Hevpeyvîna Pîsagor a bi Zerdeşt Pêxember re -1-

 

   Zerdeşt Zend Avestayê li ser maseyya xwe ya li pêşberî ya kesra  Qeyzerê Babîlê) vekiriye. Ji alîkî ve jî yawerê dilsoz ê Darîûs guldankek stûr û fireh  tîne. Herrriya wê pêşî bi aveke tevlihev wek hevîr strandî ye,  paşê sê saet di nav agirde hatiye sorkirin.
Dewê kelandî jî xistine navê. Zerdeşt rahîban anîn tenişta xwe û ji wan re got; Qesrayê nû destûr da min, da ku ez we cara dawîn pir mezin biceribînim. Hûn ê destê xwe bixin nav vê şilaviya kelandî (1). Heger hêza stêrakan hêj li pişta we be, hûn ê di nav de destên xwe bişon, bi saxî û silametî vekişin (2) cihê xwe; wê wextê ez ê bibêjim rêya  min heq e. Darîûs, kesrayê mezin, bo zêdetirkirina rûmeta we û cezadana min li benda vê ceribandinê ye. 

   Çi rêber dibin  çi rahîbên din dibin, kesî bo vê azmûnê destê xwe dirêj nekir. Ew wek peykerên perstgehan di cihê xwe de miçiqîn, bûn kevir û wer man.Li ser vê yekê Zerdeşt dest bi axaftinê kir:  “Efendiyo, bêşik bêdengiya biîsrar a rahîban ne îtirafkirina kêmasiyeke ola wan e. Gelî mêrên dudil, heger ez bi tena serê xwe, bi serkeftin û serfirazî, helbet bi xêra Avestaya pîroz a Ahûra Mazda, dawî li vê azmûna hûn jê direvin bînim, mafê min heye ku li hizûra kesra we bi Zend Avestaya pîroz   bi zorî bidim sondê bona ku ji niha û pê ve hûn bibin îbadetkarên wî yên dilsoz û canfida.

Bo xwendina dûmayîka gotarê, ji kerema xwe re lînka jêr bitikînin.

 https://mamostemaruf.blogspot.com/2021/02/hevpeyvina-pisagor-bi-zerdest-pexember_83.html

---------------------------------------------------------------

(1)Şehname; helbesta Fîrdewsî.

(2)  Jêderkên nû yên ji fîzîka Kevin. Regnault; Rûp, 214 Cîlda II.

              

Hevpeyvîna Pîsagor a bi Zerdeşt Pêxember re -2-

 

    Zerdeşt di cih de her du destên xwe du car li ser hev xistin nav dewê kelî,  ew şûştin û dirêjî  sêrbazê herî temenmezin kirin.  Darîûs û kesên li wir tev şaş û metal man. Rahîb hişkobiringo bûn. Xulamê kesra bi îşaretekê Zerdeşt dîzeke zêr tijî pixûr anî, bi fermana kesra li ber Zend Avestaya pîroz hat şewitandin. Ev jî têrê nekir, gel bi hezaran qêrînên li dûv hev  dîwarên  serayê  lerizandin: “Bijî qesrayê mezin Darîûs...! Şerefa we heye Zend Awesta, her bijî Zerdeştê hevalên Hurmiz!  Sazbendên dengên alavên xwe birîbûn îcar  dest bi lêxistina sirûdeke olî kirin. Ev bû nîşane ku ji îro şûn de ehlê serayê dibe, gel dibê wê bikaribin biçin perestgehê û ji afirinerê  mûcîzeya mezin a gava din li vir xwe da xwiyuandin re û ji desthilatdarê nû re xêr ûhesenat bikn.Ev  yek  ji Darîûsê nû bubû kesra re jî bû mizgîniyek mezin bû.

Bo dirêjkirina pîrozbahiyê û pêşendaneke dilê gel xweş bike îcar dora şerê gaboxeyan bû;bo geştirkirina wê, wezîrên kesra  her yek xwe bi hiriyê pêçand, di du tîm tîmên  dijber de cih girtin, bi vî awayî girse bêhtir elaqe nîşan da çalakiyan.Ccoş û kelecan pir û pir zêde bû; ji ber ku ev pîrozbahî bi xêra serê Zerdeştê serkeftî dihatbû li dar xistin.

Bo xwendina dûmayîka hevpeyvînê, ji kerema xwe re lînka jêr bitikînin.

https://mamostemaruf.blogspot.com/2021/02/hevpeyvina-pisagor-bi-zerdest-pexember_48.html

Hevpeyvîna Pîsagor a bi Zerdeşt Pêxember re -3-

 

Govendekeke  bihengame dawî li pîrozbahiyê anî. Ev zewqa herî bicoş a vî welatî ye.  Çîna bilind a împaratoriiyê jî miriyên govendê ye. Pers bi fealiyetên siwariyê û bi reqsê xwe amadeyê kar^'en mezin dikin. Kesra bi xwe jî li ber gel reqisî.

    Çawa ku  firsenda xwe dît min Zerdeşt ji mirovan veqetand û tenê kir, da alî û jê re got; “bêşik tu yê li min qenciyek bikî û min ji garana van ehmeqên te bi sextekariyeke bêteşe çavên wan girê daye  veqetînî. Merasîmên pejirandinê yên li Tebê sirra  merîfetên te dan min; dermanê xewê yê Hemrazê te OEbare da hespa Darîûs, destên te yên nedişewitîn, ji ber ku te pêşî ew dixistin  nav aveke ji  riwekan derxistî.  Te deh salên xwe li çiyayan derbas kiribûn, lewre wext zêde zêde têra te dikir ku tu li ser wan hûr û kûr bibî û... Heyfa min nayê bi “ji dilê xwe saxbûna”  (saftî) gel, bi sernermiya rahîbên ku divê êdî ew ji min pirtir neyên xapandin... Heyfa min tê bi wê heyfê ku  qanûndanêrekî evqas mezin bi fêlên çavgirêdanê yên weha pespaye xwe biçûk dixe.

ZERDEŞTt- Şagirtê xeşîm...!

PÎSAGOR- Min Zerdeştê xwe yê nûsazîparêzê Persê û tevahiya rojhilatê cihanê di nav koma xulaman de, li ber piyên kurmîrekî bi awayekî ji xwe ve çûyî dît; îcar tu rabûyî ji xwe re dibêjî ez şahê hişmendiyê me! Ev te diderewîne.

Zerdeşt- Na Pîsagor, tu şaş î. Min ti tawiz nedaye. Belê rast e, ji ber sedemeke siyasî ya mecbûrî serê xwe li pozê şekala hikumdar xist lê, dema serî tewandina li ber desthilatdaran, min ev gustîla xwe  ya tu dizanî nîşana hişmendiyê ye, bêyî kes bibîne,  hêdîka ji pêçiya xwe derxistibû danîbû erdê, ber  çavên xwe.

Bo xwendina dûmayîka hevpeyvînê, ji kerema xwe re lînka jêr 

https://mamostemaruf.blogspot.com/2021/02/hevpeyvina-pisagor-bi-zerdest-pexember_77.html

Hevpeyvîna Pîsagor a bi Zerdeşt Pêxember re -4-

PÎSAGOR- Xapînokiyek bêbext, hêjayê pêşbîniyên we yên bilind! Çima we di nav xulam û berdestiyên mîr ên bo berî"kêzikên li dora sifra kesra tên diçin" bidin hatine peywirdarkirin de dest bi xebatê nekir?

ZERDEŞT- Min di serî de dizanibû tû yê vana ji min re bibêjî. Ez ji kesekî li ber çavê min "ji xeşîmekî Tebê wêdetir ne ti tişt e" şerm jî nakim. . Ma exlaqê gel û yê ehlê serayê be, ev sûcê min e? Ez wan ji nav "yên li piştê ne" derdixim radikim. Tu çi dixwazî Pîsagorê roniya çavê min? Ma mirov tev weha ne!

PÎSAGOR- Heger tev wisa bûna min ê ji mirovbûna xwe  şerm bikira.

ZERDEŞT- te ji wan mirovan hejmareke pir mezin dîtin.

PÎSAGOR- Bi vî awayî, sê netewên mezin  bi destê çavgirêdanekî wê bibin xwedî xanedanekê û olekê nû. Alternatîfa ku Darîûs pêşkêş dike ji vê ne meşrûtir e, lewre gel di nav şikê de ye.

ZERDEŞT- Ez dizanim behsa wê dibe.

PÎSAGOR- Behsa te jî dibe.

ZERDEŞT- Ez xwe naparêzim; belê ji dûr ve hespa Darîûs min da hîrandin.

Bo xwendina dûmayîka hevpeyvînê, ji kerema xwe re lînka jêr bitikînin.

https://mamostemaruf.blogspot.com/2021/02/hevpeyvina-pisagor-bi-zerdest-pexember_37.html

---------------------------------------------------------------

(1)AElian.V.H.I.21 Barthol. de tibiis.III.3.

(2)muscarum Abactores, Karmendê nêçîrvanÊ mêşan. Athenacus.II. dcipnos.

Hevpeyvîna Pîsagor a bi Zerdeşt Pêxember re -5-

 

PÎSAGOR- Pişta xwe bi xulamekî ve girê bideû xwe bide alî!              

ZERDEŞT- Heger sirra me di destê OEbare de be ne xem e, hebûna wî jî di destê me  de ye. Biaxife jî tişt nabe, jixswe kes jê bawer nake. Gel sedema her tiştî bi hîkmet û îmanê ve  girê dide, bi rastiyê ve na...

PÎSAGOR-Tu xwe qurre dikî dibêjî  qey ez ê bandora îro ya li hevdemên xwe dikim li nifşên ayende jî bikim, ne wisa?

ZERDEŞT- Nifşên ayende wê min biecibînin; êw  ê kesên gel bo xapandinê dixapînin û yên him kêfa wî xweş dikin,him jî xeletiyên wî sererast dikin ji hev veqetîne. Heger tu tu nikaribî ji merivên din re rêbertî bikî an naxwazî wan azad bihêlî,  ya qenc ew e ku tu di mala xwe de rûnê

PÎSAGOR- Ez ê ji vê ramanê sûd werbigrim.

ZERDEŞT- Divê dilpak û rast li ber fedakariyê bejna xwe  bitewînin. Heger pir xwezînok ( Talepkar) û hişk bîn serkeftin nabe. Tu bixwazî di nav mirovan de navê xwe mezin bikî, li ber te  du rê tine tu pê de biçî. Bona ku ew werin ser heqiyê divê zor bidî mirovan.

PÎSAGOR- Heger  gohê gel li ser me bûya û sedema rast a hêrîn û nexweşiya hespa efendiyê te bibihîsta gelo dê çi bigota?

ZERDEŞT- Belê! Ji çi gilî bike? Darîûs û Zend Awestaya min ne hêjayê Cambyse û ola berê ya rahîbên hanê ne?  Em bona merivan ji xwiyê xerab bi dûr bixi  xwe heta asta wan nizm dikin, tu dibêjî mirov  ji vê yekê ne kêfxweş in?

Bo xwendina dûmayîka hevpeyvînê, ji kerema xwe re lînka jêr bitikînin.

 https://mamostemaruf.blogspot.com/2021/02/hevpeyvina-pisagor-bi-zerdest-pexember_41.html

Hevpeyvîna Pîsagor a bi Zerdeşt Pêxember re-6-

 

PÎSAGOR- Belê ew deyndarên te ne ji ber ku bûne pêlîstoka te.

ZERDEŞT- Heger bo çalakiyek  derketî ber rojê, divê serê gel bikî ber, wer nekî bi te re pevdiçe. Orpheus û Anachars bîîne bîra xwe. Jinên Trakî û zarên Îskîtan ew pirtî pirtî kirin, ji ber ku ev her du zana lîstikên siyasetê  nedixwestin.

PÎSAGOR- Tu tûj î.

ZERDEŞT- Qencî tenê heye. Aqlê rahîban nabire ku roj bi roj gel wan ji mejiyê xwe davêje, ew ê an rastî bêrûmetkirinê  bên an jî bên jibîr kirin; û seray amadekariya xwe didît tiştên ew ji dest dide dîsa bike ya xwe. Roj bê ew ê hin cezayên biçûk li min bibirin lê, ez ê wan paxiş bikim. Bi cih girtina li cem kurmîr, bi piştgiriya heman dozîê ez hişê gel tînim serê gelê ji ber yekrengiya îbadetên berê gêjbûyî şiyar dikim,  tînim ser hiş. Ez wî bi qurbangehan (gorîgeveh) girê didim. Mexsed û mirazê min ew e ku ji van gorîgehan kehanetên wer derkevin,  şah û mîrên herî mezin bilerizînin.

      Belê ! Ez dixwezim Darîos bi xwe jî bibe amûrê min, bona ku ez bikaribim ola xwe ragihînim hemû hêzên cînar. Ji ber ku ez bi gerdûnîyatiya ola xwe bawer im. Ji ber ku ez wê hewngirîtir(rasyonaltir) ji yên din bêhtir layîkê mirovan

Bo xwendina dûmayîka hevpeyvînê, ji kerema xwe re lînka jêr bitikînin.

https://mamostemaruf.blogspot.com/2021/02/hevpeyvina-pisagor-bi-zerdest-pexember_33.html

 

Hevpeyvîna Pîsagor a bi Zerdeşt Pêxember re -7-

 

PÎSAGOR- Ez şer raber dikim. Wê pir xwîn birije.

ZERDEŞT- Ma ti ol heye hîmê wê bi cendekan ve bi hev ve nehatibe girêdan ?

PÎSAGOR- Zerdeşt! Plana te min mejiyê min serobino dike, jê dilerizim.

ZERDEŞT- Tu tenê zana yî. Zana têra qenckirin û serfiraztirkirina netewan nake. Ev şerf ya mirovdewletan e.

PÎSAGOR- Ez ê tu car nebim xwedî behremendiyeke (qabilîyet) wisa.

 

ZERDEŞT- Ji Ekbatana (1)van sêrbazên zana çi qencî peyda bû?  Zanîna wan a kûr bêxêr û ber e, ji wan re jî nabe. Navê wan tenê sînorên çiyayên ku ew lê bi aramî dijîn derbas kiriye lê xêra wan ji dinyayê re qe tine, lewma jî ji dûrî ve baceke ji giramiyeke (rêzdarî) sar pêkhatî dike para wan. 

Liv û tevger him  giyana xwezayê ye him jî ya civakê ye. Niştecihên ser erdê dixwezin bên livandin. Bi hêviya dîtina tiştên çêtir dixwaze hin xeteran bijî. Mirov bi hev dikevin, li hev diqelibin wer sererast dibin. Ez bi çepikan xubara sedslan dawdişînim.

PÎSAGOR- Zerdeşt Arhîman jî bûya wê ji gotina te zêdetir tişt negota. Gelo mejiyê te loma bi şewat e...?

RDEŞT- Pîsagor, heger cewhera  qenciyê qasî xerabiyê çalak, wêrek û zexm bûya dê dawî li serdestiya wê bihata. Nebaş bi têra dilê xwe  qencan lerizandin; îca dor dora qencan e wan bimelisînin.

Berdewamiya gotşna Zerdeşt- Belê, bîrdoziya min ev e. Ji xwîneke ji ya tê xemsartir xwe daye der. Ne di destê min de ye ez biawyek din binêrim  û tevgerim.

PÎSAGOR- De bi xatirê te nûsazîparêzê Urmiyê.

ZERDEŞT Zerdeşt- Bi xatirê te, xeşîmê Tebê.

Bo xwendina dûmayîka hevpeyvînê, ji kerema xwe re lînka jêr bitikînin.

https://mamostemaruf.blogspot.com/2021/02/hevpeyvina-pisagor-bi-zerdest-pexember_26.html

 

---------------------------------------------------------

(1)Navê berê yê Hemedana paytexta Împaratoriya Medan.

(2) Zerdeşt xwedî mejiyekî ewçend germ bû ku kê  destê xwe bida serî, di cih de vedikişand

Hevpeyvîna Pîsagor a bi Zerdeşt Pêxember re -8-

 

PÎSAGOR- Zerdeşt dibe ku roj hebe tu yê bi hesreta şîrê hişkirî(1) bibî û xwarina te ya serekeya demên tenêtiyê ev be.

pîsagor, her çiqas ez kesayetiya te bi min  îsyankar bixwyê jî ez natirsim û dê we vexwînim pîrozbahiyekê;  qenebe tu yê bibî şahed ka netewên biyanî lê xwedî derkevin û paşê jî biguherînin an na(2).Di van sê rojan de bo beşdariya ketina nav stargeha(3)  pîroz a razên (4)Mîtra(5) amade be. Dilê te ji gelek aliyan ve li  vê pîrozbahiya astronomî û olî rûnê. Ez wê an dema roj nêzîkî xweşikahî coşahiya xwe dibe an dema ew  ji nav komestrêrka beran re derbasî ya ga dibe pîroz dikim, ji ber ku ev dem mizgîniya  xwenûjenkirina tevahiya xwezayê dide.

Bo xwendina dûmayîka hevpeyvînê, ji kerema xwe re lînka jêr bitikînin.

https://mamostemaruf.blogspot.com/2021/02/hevpeyvina-pisagor-bi-zerdest-pexember_78.html

 

(1) Dibe ku cûreyeke penîrê wan deman li Yewnanîstanê neyê naskirin be (Çortan, toraq, to)Lewre wek şîrê hişkkirî hatibe pênase kirin.

(2) Romayî navê "Cejna Mitraiyan" lê dikin û bi wî navî pîrozbahî li dar dixin.

(3) Cihekî bi starê yê di bin zinaran de. 

(4) Li Babîlê Pîsagor bi sirên wî hesiya. Zerdeşt; Anquetil  Cîlda I. Rûp;53

(5) Mîtra bi zimanê Aryenan Mîhr e, divê navê cejnan jî Mihrî be (Cejna mihrî) 

 

Hevpeyvîna Pîsagor a bi Zerdeşt Pêxember re -11-

Bi xêra kincê min ê hirî yê wek yê hemû  merivên li wir bo dîtina  gelek  teferûatên  derasayî ez pir nêzîkî rismê rûmetbilind ê Mîtra bûm. Xwdawendê ciwan(1) ê wek Zornebiriyê Tekane navkirî (Ferîdûn) wekî gaboxekî xurt daxîne ser çokan û hema serjê bike dixwiyê. Taceke Persan a bi qeydeyê  melîkan bi ser enî de xwarkirî, wek çek jî asinasesek(2) girê dabû. Kinc,  kirasekî dirêj, di binî de anaksiridê welat  (3)  ewqas...

Bawer bikim li ser navmilan qapûtek hebû. Du kesayetiyên pê re,  her çend bi heman rengî xwe girê dabin jî ew parçe ji wan kêm bû. Ji wan xulaman yek pêtalek girtiye, yê din jî girtiye lê, serê  ya wî berjêr e. Meriv li zayenda wan diket şikê. ji min re gotin ev sembola rêzdariya bo cardin afirandina heyînan e. Ji qirika gaboxeyê birîndar  çend dilop xwîn  diniqute;  li derûdorê  gelek tîp tên xwendin . Ji min re bi kurtasî  gotin şevnema ezmanî dinivîse.

Bo xwendina dûmayîka hevpeyvînê, ji kerema xwe re lînka jêr bitikînin.

https://mamostemaruf.blogspot.com/2021/02/hevpeyvina-pisagor-bi-zerdest-pexember_8.html

----------------------------------------------------------

(1)Ev Ferîdûn e û navekî li zarên lawîn tê kirin e.

2)Cûreyek şûrê biber ê li medyayê dihat bikaranîn.

(3) Şalê fireh ê gelên medyayê li xwe dikir.

Hevpeyvîna Pîsagor a bi Zerdeşt Pêxember re -9-

 

Şikeft cihanê dide xwiyan û tiştên di nav de her yek qasî yê din ji hev dûr wê ji te re bibe nimûneya avhewa û elementan. Tu yê wek kesra û giregirên dîwana wî tevlî wir bibî.

PÎSAGOR- Zerdeşt ! Beriya ku ez ji te veqetim guh bide vê şîreta min, dibêjim tu yê bi xwe  bibî qurbana ola tu sazûmankarê wê yî.

Şikefta Mîtra

Ez derketim derveyî bajar, hatim ber devê şikefteke gelek tarî ya ez bûm heyraana cihê wê yê ecêb ê lê stêrka  herî geş wê bê pîrozkirin.

Ez bi komeke biçûk a teşevanan re ketibû hindur, min li ber çavên xwe ewçend rêûresm (merasîm) dîtin ku Hişê min ê ewçend  xurt û dilsoz têra tomarkirinê nekir; ji dil dibêjim, ez wan bi tevliheviya li wir serdest bi bîr tînim. Pêşî min li dora kaniyeke aveke  gurr jê diherikî endamên nû yên gewdeyên xwe bi gişkî dişûştin dîtin, wan  alîkî ve jî bo paxişiya giyana xwe bang li Xwedê dikir. Min bala xwe dayê  peywira Hiérophant, bi gotineke din wezîfeya”  bavê razan” bi danîna deqekî eşkere ya  ser singên wan,  Zerdeşt bixwe tîne cih.

 

Ji vê rûmetê serbilind,  min dît wa dixwin vedixwin; nanekî genimî û cêra avê ya nîşana wejînê an ya derbasbûna wan a jiyaneke din e, wekî tava dide ser sala taze dixwiya. Tiştê ku wan di beyt û duyan de digotin ev bû. Nazireke payenizmê bi navnasa Qijikê pîroz,  tacekê bi pozê şûrekî ve kirî pêşkêşî her yekî kir.Her yekî bi heman gotinê ew tişt red kir: taca serê min Mihr e. Di bin kûrahiya şikefta pîroz de jî çavê min bi peykeran  na (Aryen wan di ola xwe de nahewînin) tenê  bi sûretê Mîtra, mêrê ciwanê şûrê Arès di desta de li ser gaboxekî rûniştî ket ku ev jî diyariyeke bo dewreya nû bû.

Bo xwendina dûmayîka hevpeyvînê, ji kerema xwe re lînka jêr bitikînin.

https://mamostemaruf.blogspot.com/2021/02/hevpeyvina-pisagor-bi-zerdest-pexember_52.html

Hevpeyvîna Pîsagor a bi Zerdeşt Pêxember re -10-

Nazirek payenizmê bi navnasa Qijikê pîroz,  tacekê bi pozê a bi pozê şûrekî ve kirî pêşkêşî her yekî kir. Her yekî bi heman gotinê ew tişt red kir: taca serê min Mihr e.

       Di bin kûrahiya şikefta pîroz de jî çavê min bi peykeran  na, (Aryen wan di ola xwe de nahewînin) tenê bi sûretê Mîtra ket ku li ser wî  mêrekî  ciwanê şûrê Arès di desta de,  li ser gaboxekî rûniştî bû. Ev jî diyariyeke bo vê dewreyê bû.

    Min wê demê kesra bi rûpoşê şêr, mozekî di devan de dît; ji koma  wezîran gelek kes, hin ji wan  bi rûpoşên qertelan hinek bi yên bvirde azan,  bi yên seyên grîfon  dabûn dûv.

    Jinên delalî yên kesra yên rûyên wan bi rismê keftarên navên  wan li ser nivîsî nixumî hatin pêşwazî kirin. Çend ceribandinên sivik li her kesî hat kirin. ew di hindurê labîrenteke tarî ya çav çavî nedîdît de  li ser qûçeke  berfê pêxas dan gerandin, ew bi çoyekî navê qamçiyê rojên yê Mîtra lêkirî rastî panzdeh derbên ser milê tazî  hatin.

Bo xwendina dûmayîka hevpeyvînê, ji kerema xwe re lînka jêr bitikînin.

https://mamostemaruf.blogspot.com/2021/02/hevpeyvina-pisagor-bi-zerdest-pexember_91.html

 

Hevpeyvîna Pîsagor a bi Zerdeşt Pêxember re -12-

Di binê  nîgarê de hejmareke bêserî û bêbiniyê  wêneyên hûrik hûrikên  ajalên zindî yên her yek “di salnameya Persan de nîşana roj û heyv û komstêreke  cuda cuda ye” heye. Ji van îbadet û sondên şagirtên nû yên her  du zayend dor bi dor ji Mihr re  dişînîn,  ya herî balkêş ev e: Bi sond û qesem  ez ê jimara afirîdeyên maqûl zêde bikim, ajalên biziyan tev bikujim. Ez soz didim dê erdekî bêber rakim biçînim, dareke fêkiya daynim.
Soz didim ava sar  bibim derke qerac û rêyeke çêkim an veherînim( Temîr bikim)

 

Û heger ez di jiyana xwe de  van peywiran neynim cih, piştî mirina xwe bi dûrxistina xwe ya ji cihê bextewariyê  razî me.

   Min têderxist ku Zerdeşt ji siyanetê ceribandinên mezin û rasteqînên Persan li ser  kurmîr û merivên wî nekir. Ma mêrên serayê, jinên xanim dikarin çil roj ji hemî xwarinê bêpar bimînin; du roj li ser hev qamçîkirin, di nav qûçên berfê de bîst rojên din, paşê derbasbûna di ser çendik û çend agirdankan re...

     Lê ji van nûhatiya qe yek jî nehat hîştin rapelikin heft pêlikên grestêrkan. Qe yek jî negihîşt asta bêkêmasîtiyê.

Bo xwendina dûmayîka hevpeyvînê, ji kerema xwe re lînka jêr bitikînin.

https://mamostemaruf.blogspot.com/2021/02/hevpeyvina-pisagor-bi-zerdest-pexember_27.html

Hevpeyvîna Pîsagor a bi Zerdeşt Pêxember re -13-

 

Tenê, bo bidawîkirina  merasîmê,  di nav piyaleyeke zêr a di şiklê hêkê de, hinek şerab pêşkêşî  kesra û giregirên wî yên samîmî kirin. Destûr dan min da ez nêzîkî wan bibim û bêhn û bala xwe bidim ka  nexşa ser rûyê wê piyaleya xweşik çi dibêje; di nav tişt miştên din de min ji  cotkarekî hema bibêje tazî bêtir  şiklê xwedawendekî dişibî Prîap (Girê geriyayî) yê  pir xurt  û balkêş ê “bi halê mêrekî pir zexmê li ser xwe neqişandî” dît.

ji şikefta razdar dor bi dor, bi giraniya serbilindiya oldariyê  kişyan derve. Gel, parçeyên cemedê  di destan de li derve sekinîbû. Min kir nekir têdernexist ka bo çi? Wan di cih de ez perwerde kirim. Meş,  ji aliyê ciwanekî bedew,  siwarê hespekî bozê sîpehî, baweşînokeke ji perên ciwîkan çêkirî di destan de, hat destpêkirin. Girse da dûv û parçeyên cemedê avêtinê: kevneşopiyeke berê ya êdî resentiya xwe bo şagirtên  nûhatî diparêze.

      Em di demeke wisa de bûn ku zivistana êdî li ber sekeratê hêj li gelek herêman zora  demsala xweş dibir.

   Pers, dema lava dikin dibêjin: carinan bo derbirina ronahî, germahî û demê;  ku roj danerê wan e; carinan  jî zanayên mezin, zor û hêz û xweşikiya taybetmendiyên sereke yên xwezayê wek Mîtrahê sêsik (Sêmend) bi nav dikin.

Bo xwendina dûmayîka hevpeyvînê, ji kerema xwe re lînka jêr bitikînin.

https://mamostemaruf.blogspot.com/2021/02/hevpeyvina-pisagor-bi-zerdest-pexember_4.html

Hevpeyvîna Pîsagor a bi Zerdeşt Pêxember re -14-

   Mersîma pîroz a bi şox û şeng, bi reqsên nîşana tevgera rojaneya rojê yên gorî yên Helipolîsê pir hindik  rasteqîn bi dawî bû. Min li vir, wekî li peravê Nîlê(1) dihat kirin, kesandina saet û demsalan  nedît. 

   Ez dibêjim ev raz,  (sir) ji wê jî zêdetir pîrozbahiyên Mîtrah,, yên li ehlê serayê ti caran nehatine qedexekirin, dawiya dawîn wê bi rijandina xwînê, bi ser de dibe ku bi xwîna mirovan(2) berdewam bike; xwîn bikeve şûna hingivê îro herkes wek pêşkêşiyek pê qaîl e. Ez hez ji “saziyên desthilatdar dikarin çeperên wan derbas bikin” nakim lê Zerdeşt bernameya xwe lê, Zerdeşt di vê yekê de rêyek giritiye, pê de diçe. Wî pişta  ola xswe daye ber pêlika xwediyê tac.

    Min van dîtinên xwe ragihandin Zerdeşt bi xwe lê, wî ji min re got “ tu dil heyî min ji paşerojê jî perpirs bigrî”?

PÎSAGOR- Şik tine ku Cotkarê çavbirçiyê toveke metirsîdar davêje ji erdê, sûcdarê  ji ber hemû encamên nexweş ên jê peyda dibin gunehbar e.  

ZERDEŞT- EZ xîtabî ceribandinên sedsalan dikim. Pîsagor cihana rojava bi bîr û bawerî dike, min barê Rojhilat pişt kiriye. Nifşên bê wê me darizînin û hikum bidin.

 ------------------------------------------------------

(1)Athene dibêje li Misrê cejneke jin û mêr û jin dikevin dilqê sal û demê.  Beşa 7. deipnes.

(2)Ev yek, li bajarê Liyonê,yê vê baweriyê ji Romayiyan stendibû, qewimî. Li rûpelên 92an şûnde yên Antiquit de Lyon a Colonis binêrin